" على نهر الهلاك : إضمحلال شبحين "
وأيُ كلامٍ في صرحيَّ هذا أخطهُ تأبينًا لما يحطُ بي بينَ غياهبِ المُتعة ؟!
روايةٌ مُختلفة ، سطُورها مُميزة ، خُلاصتُهَا عبقٌ من تميزٍ بحتْ
تتضاربُ فيها المشاعرُ وتختلفُ فيها الأعماق ، تتبادرُ دومًا مسائلٌ فيها للأذهان
إحتضنت بينهَا شخصياتًا حية ، ليس خيالية بل حيةً نشعرُ بها مع كُلِ حدث
لا أقولها لأن كاتِبتها صديقتي ، كلا والف كلا ! ، من يقرأها يعرفُ قدرها
ومن يتعمقُ فيهَا يجدُ الرسائِل البشريَة ، هنيئًا لكم مُتابعيهَا ، من أجودِ القصص هي !
[ مساحة العامية ]
إحم إحم * تعدل المايك *
من فترة كنت ابغى انزل هذي المُشاركة بس الخمول كان حائِل دون ما انزلها
مدري .. حسيت نفسي مقصرة في حق رواية مثل هذي ،
تستحق جديًا إني اتكلم عنها في ألف ألف سطر ، ما في كلام يوفي الحبكة الخُرافية
ولا كلماتي البسيطة تكفي إني اعبر فيها عن جمال شخصياتها وتفردهم ،
فكرة الرواية مُميزة ، أصلها مُميز وكاتبتهَا أسطورية !
كل كلمة أكتبها هنا هي عبارة عن مشاعري الحقيقية وما فيها أي صلة بكون
سكارليت صديقتي ، لا لا ، الموضوع هنا مختلف ، كل شيء مُختلف
الجمال هذا ما ينسكت عنه *^* أتوقع في قاموسي الجمال راح يكون جريمة قريبًا xD
المهم إني أخترت لكم الشخصيات المفضلة عندي في الرواية ، وتكلمت عنهم كثير
أتمنى اشوف تعليقاتكم على الرواية وشخصياتها ، ولا تخذلوني :(
أتذكر أول ما أنا و سكارليت انفتحنا على بعض بشأن عوالِمنَا وكذا ،
كانت دائمًا تكلمني عن الملك حق مملكتها وكيف إنه حقير ولازم يموت . . الخ
وأتذكر إني اصريت عليها إنها تقول لي إسمه ، قالت لي يبدأ بحرف الـ " م "
سألتها : ياباني ؟! قالت لي : إيه ، اتوقع ما اخذت إلا كم دقيقة بس حتى اقول
" ماكوتو !! " ، عمّ الصمت .. حسيت بنوع من الصدمة جاء فجأة ،
البنت إنجلطت لدرجة إنها قالت لي لا مو الإسم وسكتت لدقايق حتى اعترفت مرة ثانية
اتوقع إن ذيك اللحظة كانت أكثر لحظة مُرعبة في حياة سكارليت ، لأن ما في احد توقع
إني بجيب الإسم من أول محاولة واقوله بكل ثقة بعد xD
بس تدرون ؟! من يوم نطقت إسمه .. في ذيك اللحظة في شيء في قلبي تغير ..
حسيت نفسي ارتبطت بـ ماكوتو ، وصرت أحبه بشكل ما حبيته لأي احد ثاني :(
جديًا احبه ، الشخصية الوحيدة الي وصلت فيها لهذي الدرجة ، تراه زوجي ، هش هش لا تناظرونه -_-
وبعدين صارت تعلمني عن سوالفه وماضيه وكذا ، وكل ما علمتني انا اتعلق فيه اكثر
شفت فيه اجزاء كبيرة من نفسي ، شفت فيه القطع الناقصة الي كنت أحتاجتها ،
متعلقة فيه بشكل عميق جدًا ، وكثير بيشوفون الموضوع " سخافة " و " ماله داعي "
ادري إنه شخصية خيالية .. أدري والله ، بس ما يهمني .. !
مهما يقولون لي تعلقك غبي وما له من الأساس داعي انا ما يهمني ، ماكوتو جديًا
يعني لي اشياء الناس الحقيقية ما قدرت تعنيها لي يوم ، ماكوتو من النوادر الي لما الواحد
يحصلها المفروض ما يتركها ما دام حيّ ، ما يهمني إنه مو الشخصية الأساسية
ما تهمني عيوبه ، ما تهمني نظرته لنفسه .. كل هذا انا راح اتقبله ، كل شيء هو يكرهه في نفسه انا احبه <3
كل عيب يعجبني ، كل فعل يعجبني ، ماكوتو جديًا النمبر ون حاليًا عندي وإن شاء الله للأبد
اتذكر جاتني فترة مرة غيرانة من معجبينه xD ، لدرجة إني اتصلت يوم لسكارليت
وقلت لها : خلاص أنا ما احب ماكوتو .. صرت احب أبوليون !
طبعًا كانت كذبة ، انا من ذا النوع الي لما يغار الغيرة الي في قلبي تقتل الحب
فـ أنا تذرعت بهذا الشيء عشان خلاص .. احب شخصية ثانية :(
وبعد كم يوم ما قدرت .. اعترفت لسكارليت إني أحب ماكوتو ، وقالت لي عبارة ما بنساها طول عمري
قالت لي : إنجرحت وزعلت لما قلتي إنك ما عاد تحبي ماكوتو ، لأن بالنسبة له
ما في احد يحبه .. فـ إذا إنتي الي تحبيه ما عاد تحبيه .. من يحبه أجل ؟!
مدري ليش العبارة جديًا حركت شيء داخلي ..
احس نفسي طولت وانا اتكلم xD ، المهم ماكوتو زوجي لا يُسمح لكم بالنظرِ إليه
إبتعدوا يا بني البشر *فيس مغرور*
زيس .. وما أدراك ما زيس .. !
زيس شيء مُقدس عندي ، ما ادري وش اقول عنه بصراحة
أحبه بقوة ومتعلقة فيه ، طبعًا مو حب رومانسي xD
أقدس عشقه و ولاءه لـ سيده ماكوتو ، في البداية كنت دايمًا لما اسمع سوالفه
اقول : وعع ياوي .. !
بس داخليًا كان الشعور غير ، دائمًا احترمت زيس وقدرته وكنيت له مشاعر كبيرة :(
ما اقدر انكر جمال شخصيته وعمق الولاء والإحترام الي فيها ..
الشخص الوحيد الي ساند ماكوتو دائمًا ، وقف وياه وقفة رجاجيل لـ قرون طويلة !
تعلق فيه من اول نظرة ، وما خانه ولا مرة وحدة .. !
تحمل سيده وكلامه الجارح ، تحمل العذاب وتحمل النظرات واشياء كثيرة
بس يبقى دائمًا مستعد يضحي بكل شيء في سبيل إن ماكوتو ما يصير له شيء !
وين تلاقوا مثل زيس ؟! هذا المخلوق الي بالنسبة للكل ما عنده إرادة
أشعل إرادته و اظهرها لهم لما صار مع ماكوتو ، جعل الكل يشوف من هو صحيح !
زيس الي ما يعرف يواسي ، زيس الي يحب يطقطق ، زيس الخروف ، زيس الهيبة
زيس بكل حالاته جميل <3
صحيح إن حبي له مو حُب رومانسي .. بس اظل احبه جديًا
يعني لي كثير اشياء ، اصلًا هو يجسد امور ما يقدروا البشر في العادة يجسدوها
يجسد لنا جانب تقريبًا إندثر من الوجدان البشري البحت .. وتدرون ايش الي يضحك ؟
إنه مو بشري حتى .. !
زيس إنت كتلة جمال ، إبقَ بخير <3
مريضتنا النفسية xD
من بعد ماكوتو .. احسها اعمق شخصية في الرواية .. !
عميقة بشكل مختلف عن الباقين ، عاشت في دوامة من العذاب
الله يغربل زينب بس .. وش سوت فيكِ يا فتاة ؟ :"(
منشطرة إلى قسمين ، فتاة تعيش الماضي وفتاة تعيش الحاضرة مُكبلة بأغلال الماضي
تلاحقهَا ذكريات الظلام والمعاناة وتعيش في فلسفة كفرية نوعًا ما xD
تجذبني عباراتها ، يجذبني فيها تميزها وإنها تشوف كل شيء على طبيعته
ما تنظر إلى الأشياء الغريبة بنظرة الـ " تقزز " ، لا هي من النوع الي يتقبل الأمور
على النصاب الي هي عليه .. !
طقطقشية من أفخر نوع ، تحب تطقطق وتسوي مقالب في الناس ، بس شوية
الله يهديها مقالبها .. خطيرة على الحياة !
سكارليت هي تحت تصنيف الي صعب تفهمها ، مهما تعمقت فيها تشوف إن
فيها ابواب ومتاهات ما تقدر إنك تشمل معرفتك بها كلها ، أحب فلسفتها
وتعجبني شخصيتها ، ظلامها راقي ، و فيها تصرفات مجنونة جدًا مُعبرة
انا بنفسي ما احب البنات أبدًا ، يعني ما حبيت إلا بنت وحدة في الأنمي بس :)
فـ سكارليت مبنية بشكل يجذبني ، تفكيرها ، تصرفاتها ، غبائها
وفي نفس الوقت أحب إنها تشاركني عشقنا للكُتب والآلهة الإغريقية *^* <3
تعطيني مشاعر غريبة ، عندها ساعات إعتقادات ما ادري من وين تجيبها .. !
تلحس مخي في بعض الأوقات بالذات لما تقعد تتفلسف مع احد بالذات ابولين :")
هنا انا ابكي .. إنتوا وش تقولون بالله عليكم ؟!
شكليًا من أجمل البنات عندي *^* وهذا إعتراف ما قلته لزينب ابدًا xD
لأنها مصرة إن أجمل بنت في عالمها هي كونستنس بس انا اشوف العكس <3
الجمال مو بس بالشكل الجمال بكل شيء ، سواء شخصية ، تفكيريًا ، قلبيًا
كل شيء *^* <3
سكارليت : You're my love <3
الكُوالا الكسُول xD
بدايةً ما ادري وش كان ذا الشخص الي حتى .. !
كنت احسه ماله داعي ، مُجرد متفرج على الأحداث لو اختفى ما راح يصير شيء
مُجرد رجل صنع زيس والباقين وهج عشان ينام الأبدية ،
كنت اشوفه سطحي ، بدون مشاعر ، مُتجبر ومُتكبر المفروض يندثر .. !
بس .. لحظة .. وش كنت أفكر أنا ؟!
عُمق شخصيته ، أفكاره ، اللحظات الي عاشها .. صناعته لـ أتراس
تصرفاته حتى لما يكون نايم .. كل شيء كنت ما اشوفه ، كأني عمياء عنه
أبوليون بس ما يعرف يظهر الإهتمام ، يحب أولاده ، يحب أتراس على قد ما يطلع
إنهم نشبات لازم يموتوا xD
عنده فلسفة عجيبة ، أقواله درر ، واللهي درر <3
والشيء الغريب ، إنه يحب البشر .. اقدر اشوف حبه للبشر في كل عمل يعمله
كنت افكره شخص حقود ما يقدر يتقرب من احد ، بس مع مرور الوقت
لما شفت علاقته مع ماكوتو ، سكارليت والباقين ، مدري ..
قلت : مسكين إنت أبوليون .. عندك لعنة التعلق السريع !
يتعلق فيهم ، يحبهم ، وإذا فقدهم راح ينكسر .. بس ما يطلع ، راح يتجاوز
بس دائمًا كنت احس إنه إذا تذكر .. ينكسر مرة ثانية ، ثالثة ، رابعة .. الخ
أبوليون شخصية ما تنفهم إلا كان الشخص يركز فيه ، تراه جدًا بسيط وهذا الجميل فيه
على قد التعقيد في شخصيته إلا انه بسيط .. أحب هذا التناقض فيه <3
لوك كان في لستة المحقود عليهم والضالين xD
يا اخي غيور ، كنت اشوفه واقول : وععععو الصعلوك جاء !
في كثير لحظات سواء لما اسمع عنه او اقرأ له مقطع كان يجذبني
يجذبني نوع من التعاسة فيه ، التعاسة الي صعب تلاحظها على شخص زيه
احب تعلقه بـ ولده ! أحب حياته ، أحب قصة الحب الي وقع فيها !
أحب حقده ورغبته في الإنتقام ، يحزني .. إنه يحمل قطعة من مهد ولده معاه !
يعني مدري لوك عميق زي الباقين ، بس صعب تلاحظ عمقه إذا ما تقرأ له بتمعن
عنده عقد نفسية كثيرة ، صعب ما تلاحظها خاصةً في مقطعه مع سكارليت لما
خلاها تطعن ماكوتو *حقد أبدي*
يعمل الشيء ويندم .. عادت حليمة لعادتها القديمة .. !
لوك مخلوق جميل ، أتمنى من المتابعين ما يحقدون عليه او يكرهونه
بس إنتوا تمعنوا فيه شويتين وبتحبونه <3
على قد العيوب الي فيه ، ميناتو من أجمل شخصيات الرواية .. !
إيه عيوبه تطغى على محاسنه ، ويعني ؟!
إن كان ابو مهمل ، شخص متهرب من اعماله ، حاقد على ابوه ، ميت مثل الدمى
وعالق في وهم الماضي ، ويعني ؟!
ما اقدر افهم السبب إلي يدفع الناس إنهم يكرهون ميناتو ! ، طيب بسألكم سؤال ،
: إنتوا كاملين ومثاليين لا سمح الله ؟!
ما في احد مثالي ، كثير منا تغلب عليه عيوبه وما نقدر نشوف الجمال الي خلفها
بس حاولتوا ، صدقوني بتلاحظوا إن ميناتو مخلوق جميل <3
على قد الألم والحسرة الي داخله إلا إنه يحاول يبتسم ويظهر السعادة
على قد التعاسة وإحساس البرد الي ينخر عظامه إلا إنه يخفيها بجدارة
ميناتو مميز ، ميناتو خلانا نطلع عن طور الشخصيات المثالية !
ميناتو مو البطل الي يواجه مشاكله ، مو الأبو المثالي الي يسعد أولاده بأي طريقة
مو الإبن البار الي يحب ابوه مهما عمل له ، لا ميناتو طبيعي !
ميناتو يجسد البشرية الطبيعية ، يظهر لنا المعدن الحقيقي لكل واحد فينا
يعني مرة غير !! مُختلف عن باقي شخصيات على نهر الهلاك ..
تعجبني الطبيعة البشرية فيه .. وأتمنى الناس يشوفوا هذا الشيء مو ينظروا
للأمور نظرية سطحية بدون ما يفهموا الأعماق <3
من الشخصيات الي تخرفنت عليها بس بالإسم والصورة xD
غبي واللهي غبي وعلى نياته الولد *فيس متخرفن*
يعني لما تشوفه تشوف فيه فهاوة وغباء الدنيا ، يضحكني إنه ما يستخدم عقله ابدًا
يعني مبدأه في الحياة : يدي تُحطم وعقلي لا يُفكِر !
يمكن الشيء الي شوي يخليني انقهر هو إنه زير نساء ، يا اخي تعال وصير مُخلص لي انا *^*
إنت شفت وجهك !؟ تعطيه بنات ما يستاهلوك ليش ؟!! ليش ؟!! ليش ؟!!
طبعًا هو شخص مصدق نفسه بشكل يخوف ، يعني عادي يفكر انا اقدر اقتل زيس
وهو لو زيس يكح بالغلط مات تورستن xD
احب طريقة ترحيبه بالناس لما يرمي عليهم سيف "$
وتعجبني اوهامه البريئة الي يعيش فيها ، أولها إن سكارليت تلميذته ،
وعلى فكرة كان مقطعهم يضحك وهو يقول لها : تعالي عانقي شيشو
وهي تبكي زي الفئران xD
احب ملامح تورستن *^* ، شفتوا وجهه كيف مُميز ؟ آه تبًا كم هو وسيم .. !
هو نمبر 3 في قائمة الشيبان في رواية سكارليت ، من بعد إيوستاتيوس وماكوتو طبعًا <3
شخصيته المرحة تجذبني ، وطباعه العصبية تعجبني ، ببساطة تورستن من أجمل الشخصيات في العالم <3
هذا الي بيصدق عمره اول ما يعرف معنى إسمه xD
أجل بـالله كاين يعني الأجمل ؟! الأجمل ؟! ، المهم إن كريس ما تسمع *تراجف*
كاين كان دائمًا الشخص المهايطي الي يكتفخ وغبي وحياته تمشي بسلاسة وهبالة
ما كان يبين إنه واحد يقدر يدمر أوليفيا في ثواني :3
أصلًا عادي ، الناس صايرة تصدمني واجد هذي الأيام .. !
يخوفني شيء في كاين .. إنه يترك الكل يضربه ويهزأه ويصرخون عليه ..
ومن داخله يضحك عليهم .. لأن جديًا الموضوع يخوف إنك تضرب واحد قوي مثله !
أحب فيه حبه للبشر ، كيف إنه ناقم على الذات الي هو عليها ،
كيف إنه يتمنى يجي يوم ويقول له أحد : أنت بشري مو كائن أتراس !
في نفس الوقت يحزني إنه ما يقدر يكون بشري تكوينيًا ، أحب فيه إخلاصه لأصدقائه
وتعجبني مشاعره الظلامية ، لما يبدأ يدمر بدون مشاعر هنا انا اضيع *^*
كاين هو أكثر شخص يحتاج الحُب والحنان ، أكثر شخص يحتاج إنك تحضنه وتؤويه
اشوفه كـ طفل صغير ، بس يحتاج من يوقف جنبه وما يتخلى عنه ،
مطالب كاين بسيطة ، بس ما احد يقدر له هذي البساطة .. ابدًا </3
صار لي ساعة أعلق .. أخر شيء تتبدل الصفحة بالغلط ويطير كل شيء !
ردحذفتحطمت $! كنت مغازلة كاين وايد : (! لكن برجع .. السالفة فيها كاين ي خي =((
على حظك xD
حذفدايمًا المتصفحات تلعب لعب ويانا : )
لازم ندمر هذا اللعب قريب *فيس خبيث*
خذي راحتك يا جميلة < 3
وحشوني اوي الشخصيات و الرواية بكبرها
ردحذفياه انا ايضا
حذف