شخصياتٌ مِن عالمِي | Characters

الإسم : كلايد كلوني 
الفصيلة : الأغبياء 
العمر " الظاهري " : 22 

نبذة : اخبل ما خلق ربي ! متنح ، هبل ، ويضحك دون سبب .. !
حلم حياته هو إنه يكتشف ماء شفاف ، لأن الأخ مو مصدق إن الماء ما فيه لونه !
تلاقونه سكران معظم اليوم ، يطقطق على خلق الله كلهم وما يبقي أحد بحاله
ما يدري وش صاير بالدنيا وحتى إذا عرف ما يستوعب السالفة إلا بعد يومين
هوايته هي التغزل في اسماك القرش  ويحب ياكل جميع انواح اللحوم
يمشي وينادي آرليت بـ شيشو " معلمتي " ، وحدة من أمنياته الغبية إنها تناديه كلايد
بس هي تعاند وتناديه كلوني 
دائمًا تلاقون وجهه كذا بالإجتماعات او المحاضرات 
يحب يحضن  الله وكيلكم تراه يمشي ويوزع احضان مجانية 
يعشق شيء إسمه باستا .. ويكره الخضار والفواكه كره العمى !
إذا كان يبغى فلوس او اي شيء يجلس يتدلع على آرليت : آهه شيشو أدري إنك تحبيني وكذا .. آهه يّ الله استحي انا ككككيييييااااه أدري ادري إنك تحبيني .. اعطيني فلوس .. انا بعد احبك .. ابغى فلوس .. فلوس .. فلوووووووووووووس !! 
الله يلعنه 
بس والله يجيب السعادة ، بالذات إذا جاكم وهو متنح مو فاهم شيء 
ما عنده شيء إسمه السيدات اولًا ، لأن بالنسبة له الحياة تدور حوله وحول شيشو " آرليت " 
من يشوف كتاب او شيء فيه حروف يدوخ بقوة 
جميع حيوانات الأرض تكرهه ! يعني عادي يجلس يوم من النوم ويشوف سناجب تشن عليه غارة حربية ! وعادي جدًا تجي القطط حق هانا وتهجم محاولة تقتله 
مفكر نفسه أجمل إنسان بالحياة ، دائمًا يتدلع بالعضلات وجمال وجهه و بـ الخال الأسود إلي يقول عنه : هذا علامة جمال يّ الي ما تفهمون حاجة ! إيه غيرانين ! قولوا غيرانين ! تفوو عليكم ، ما تقدروا توصلي لي أنا ! أنا غير .. أنا غير البشر يا يا يا حثالة !
يعني بصراحة .. ما ادري وش اقول ..
تعجز الكلمات عن وصفه .. الله يقلعه الزلابة .. 

بسم الله الرحمن الرحيم ..
اللهمَّ سكنهم مساكنهم ..
ما أدري .. ما كنت اتوقع إني في يوم بتكلم عن ذا الشيء ..
صعبة يّ أخي صعبة .. بس خفت يقتلني إن ما تكلمت عنه ..

الإسم الملكي : بالثازار 
الفصيلة الملكية : الأقزام الملكية
العمر الملكي : غير معروف 

نبذة : الله وكيلكم هذا قزم .. ويحب يسوي كل شيء بطريقة ملكية !
يتكلم بطريقة هيبية ملكية ، ياكل بطريقة ملكية ، حتى يطالع في العالم بطريقة ملكية ..
بالنسبة له العالم من الحاشية والعوام .. وبس هو الشيء المطهر بذاته ..
دائمًا يتدلع ويقول : إنتوا لازم تقدسوني .. انا الطاهر الملكي ! 
طبعًا يحب يجلس على اكتاف الناس " لأنه صغير " 
وأكثر شيء يعشقه عض الأذن .. آححح ترا عضته تعور بجد 
بس تراه ذكي ! وعنده نظرة عميقة وصائبة للأمور ، ومهما كان قزم .. فيه هيبة !
يكره لما آرليت تحضنه وتعصره وتمردغه بالحضن والقبلات 
دائمًا يقول لها : إنتي حتى مو من الحواشي والعوام !! إنتي أدنى من الحيوانات !! إنتي .. إنتي شيء ينتمي للفطريات !! يمكن حتى تكوني من الطفيليات او ممكن تكوني من الكائنات وحيدة الخلية ! إنتي بكتيريا !! 
بس إذا قال هذا الكلام هي تتخرفن عليه وتحضنه أكثر 
يعشق الموالح بالذات البسكويت المالح المغطى بطبقة رقيقة من السكر الشوكولاتي 
دائمًا يشرب الشاي الفاخر ويغير ثيابه كل 12 ساعة ! لأنه ملكي ..
طبعًا هو أساس تفليس آرليت .. ما بقى عندها ولا قرش بسببه 
عاقل .. بزيادة وحكيم ويتفلسف كثير .. يحب الكتب القديمة التاريخية ، ويعتبر الوحيد الي يعرف أمور عن التاريخ ترجع لحقب وفترات مرة بعيدة ومجهولة !
خجول جدًا  عادي وجهه يوَّرد على أقل مدحة احد يقولها له 
 

*تحت تهديد السلاح*
*تراجف مثل السناجب*

ت-تذكرون ل-لما قلت ل-لكم عن بالثازار ؟!
ك-كنت امز-امزح .. أرالت .. ه-هو الهيبة .. 

الإسم القيادي : أرالت 
الفصيلة القيادية : العلويون من البشر
العمر القيادي : 26

نبذة : الوحيد الي يخلي آرليت تبكي ..
نقدر نقول عنه قائد مافيا .. بس مافيا شوية .. مختلفة 
ينهي كل شيء بنقطة ! إذا انهيت كلامك وما قلت نقطة .. يطلق على راسك رصاصة 
لازم تذكر كل علامات الترقيم وإنت تكلمه ، يعني إذا إنت متعجب تقول بعد كلامك علامة تعجب ! 
يعشق الفرو .. بالذات فرو الثعالب والسناجب .. !
إذا في شيء يكرهه .. هو الفلوس ! مع إنه يجمع فلوس بس يكرهها !!!
يحب يجمع جماجم الي يقتلهم  عنده قبو مملوء بالجماجم 
وبالنسبة له إذا طالع فيك بعيونه يعني إنتَ شيء عظيم ، وإذا طالعك بنص عين إنت .. 
دائمًا يتفاهم بالمسدسات والبازوكا وكذا  ، هيبة .. بصراحة هيبة ..
وعنده ضحكة تخوف .. إذا ضحك آرليت تبكي وأتباعه يسكتوا من الخوف 
اتوقع كذا يكفي .. ما يحتاج .. نعرف زيادة عنه 

الإسم : آرثاس رايفينسين 
العُمر : مجهُول
الإنتماء : البؤرات الخمسة

نبذة : ولسُوفَ تُريد أن يكُون هذا الرجلُ مُعلمك ،
فيهِ سكُون الليلِ البهيم وحنكةُ الذئبِ الخبيث ..
قاسٍ في التعليمِ وحشيٌ غير بادٍ على وجههِ الجميل
لديهِ إبتسامةٌ تُغشي الأبصار وغضبٌ حارقُ مُرتاع
لم يتخذْ إلا تلميذًا واحدًا طوال حياتِه ، هو المعلمُ الأقوى بينَ الخمسة !

الإسم : كاميكيتسو
العُمر : غير معروف
الفصيلة : مجهُول
الوظيفة : طاهٍ

نبذة : هذا الي ما توقعت نفسي اشوفه في حياتي  !!
يعني بالله من كان يفكر إني اقدر احصل صورة واحد يحط له روج اخضر ؟! 
بس طلع لي بالحظ 
المهم هذا طباخ قصر زيوس ، واحد مهبُول ما يهمه إلا الفأر حقه
طبعًا اكله لذيذ بشكل يذبح 
فنان !! فنان !! يطبخ لك أي اكلة إنت تحلم فيها 
وحاقد على آرليت طبعًا ، دائمًا يغصبها تاكل زبيب وزيتون لأنها تكرههم !
عنده معجبات كثير ، وتراه نرجسي ، على اقل مدحة يرفع خشمه فوق 

الإسم : لوستِن
العُمر الظاهري : 24 عامًا
الوظيفة : قائد الفرقة الرابعة

نبذة : هذا الله وكيلكم منافق !
يعني من النوع الي يكون مرة لطيف ورقيق مع البنات ويتغزل فيهم 24 ساعة !
عادي يكون لطيف مع الرجال ويواسيهم وكذا ، الكل يعشقه !
بس من وراهم هو الي يقتل و يذبح في خلق الله ، طبعًا يكره قائدته " آرليت "
الوحيدة من البنات إلي ما عمره كان لطيف معها 
حصل على لقب أجمل رجل لمدة 10 سنوات متتالية ، يحب كل شيء تقليدي
وبالذات اللباس الياباني التقليدي واللباس العكسري التقليدي ،
يحمل سيفين ويقاتل فيهم بيده اليسار ، يب يستعمل سيفين في يد وحدة
لا تسألوني كيف 
فيه خنجر عالق وسط صدره من داخل ومو قادر إنه يزيله ، بالأصل هو لعنة منزلة عليه
دائمًا يعذبه شعور إن هذا الخنجر يقطع له جسمه من داخل ، ويخليه يتوهم اوهام  مُرعبة عن ماضيه